梔子花蜜保濕潤唇膏

Gardenia Moisture Lip Balm

梔子花Lip Balm屬於籌備左一年幾既product，由未真正推出、預購品時已經每一批都賣斷貨，背後所花心血真係好難忘。18年係大阪時試左過百支唇膏、試到敏感腫痛，想感受最完美既質感係點，之後用唔同原料不停測試，失敗N次，一直係想研製一支有一定顯色度之餘，保濕同滋潤都做到平衡，而重點要係潤 唇 膏！

做唇膏顯色唔難，但就好似定律咁，太乾又會顯唇紋，太潤又唔顯色，同埋要卸妝我係超反感！因為我覺得唇部係身體最柔軟脆弱皮膚之一，日日搽有害香精、色素、化學物係嘴唇，每晚又花心神用卸妝液落唇妝，簡直係幫個嘴慢性自殺...

測試左足足一年先開始有似樣既成績，後來再添加梔子花，因為佢本身帶有淡淡幽雅脫俗清香，可以彌補返天然潤唇膏果陣怪味，調配份量時要試好多次，一唔小心又變左成支香膏咁，試左無限次調較個質感，先誕生呢支令人愛不釋手既梔子花Lip Balm！(唔係我地話架！係預購時熟客一致大愛既feedback，將會再抽時間放去客人意見一欄)

再黎！另一重點推介，係佢有9個色！話說第一隻試到真正滿意個質感時係裸粉色，我地就諗不如調配埋深同中性色啦，之後就係另一個漫長工程，每日調配幾十隻色試到眼都爭啲盲...試色大約試左4個月，終於揀左9隻可以配合唔同場合既colour，去到最後見到成品，同好多預購客人會send返review相片搽得好靚好靚，感動到想喊，果刻真係覺得呢年半係值得！

呢篇product review寫左好多心路歷程，因為對我地黎講已經唔單止係一件product，成件事係好藝術(笑)，黎緊亦希望可以放更多相不停更新呢個梔子花Lip Balm～

一直好多好多客人問，到底幾時有得買埋其他色，終於可以同大家講，其實呢個係回饋品，首先定價絕對唔高，當您知道個background、同埋試左上嘴後，一定會覺得物超所值，特別係聖誕節趕及推出呢件新品，將呢份精緻既禮物帶俾大家 ♥♥

[主要成份]
梔子花、植物花蠟、天然植物色粉、玻尿酸、維他命E、植物精華、荷荷巴油、乳木果脂

[顏色]
#28114 杏仁奶茶 / #28115 秋暖豆沙 / #28120 緋夜櫻桃 / #28117 奶油甜橙 / #28119 絲絨楓糖 / #28122 小惡魔 / #28113 蜜桃祼粉 / #28116 莓紅漿果 / #28118 葡萄慕絲

[容量及種類]
$238

[保存期限]
120天

[提示]
本店所有產品均經嚴格測試方出，不含酒精（香水除外）及刺激性原料。
唯特別過敏肌膚建議先塗抹在手肘內側做敏感測試。
使用時請避免接觸眼睛和唇部，如有接觸請即用大量溫水沖洗。

[我們採用外國入口優質原料，提供最高品質天然護膚品]